«Өсекке тоймады-ау». Гүлзира Айдарбекова атышулы Бағдагүл емшіге шүйлікті

Танымал продюсер, әнші Қайрат Нұртастың анасы Гүлзира Айдарбекова желіде жалған ақпарат таратып, өзіне балағат сөздер жаудырған атышулы Бағдагүл емшіге ашынып жауап берді, деп хабарлайды Politico.kz.

Продюсердің айтуынша, емші Шымкентте өткен концерттегі жағдайға қатысты орынсыз араласып, ел ішінде негізсіз қауесет таратқан.

«Бағдагүл сын айтумен де, адам өлімі болды деп ақпарат таратумен де болды. Одан бөлек, «жалмауыз» деп балағат сөздермен видеоны сторисіне салуы – тым артық! Басына тимейді екен, біреуді қаралаумен, мазақ қылумен, өсекке тоймады-ау», — деді ашуға булыққан Айдарбекова.

Еске сала кетейік, бұған дейін Қайрат Нұртастың Шымкент қаласында өткен концерті үлкен дауға ұласқан еді. Көрерменнің шектен тыс көптігінен келеңсіз оқиғалар орын алып, 18 жастағы бойжеткен ауруханаға түскен болатын. Аталған факті бойынша қылмыстық іс қозғалып, концертті ұйымдастырушы қамауға алынды.

Бағдагүл емші Гүлзира Айдарбекова Концерт Қайрат Нұртас

Бізді Google-дың негізгі дереккөздер тізіміне қосыңыз

Қосу

«Өсекке тоймады-ау». Гүлзира Айдарбекова атышулы Бағдагүл емшіге шүйлікті

Соңғы жаңалықтар