Қостанайда ер адам әйелдерге пышақпен шабуылдады: біреуі қаза тапты

Қостанайда адам өлтіру және оған оқталу фактісі бойынша тергеу басталды, деп хабарлайды POLITICO.KZ  Алау ТВ-ға сілтеме жасап.

Қостанай облыстық полиция департаментінің баспасөз қызметінің мәліметінше, күдікті мен жәбірленушілер бұрыннан таныс болған. 9 наурыз күні олар бірге алкоголь тұтынған. Сол кезде ер адам екі әйелге пышақ жарақатын салған. 44 жастағы әйел оқиға орнында көз жұмды, ал 52 жастағы әйел ауруханаға жеткізілді.

Жедел-іздестіру шаралары барысында полиция қызметкерлері 53 жастағы күдіктіні ұстады. Қазіргі уақытта ол уақытша ұстау изоляторына қамалды.

Құқық қорғау органдары оқиғаның барлық мән-жайын анықтау мақсатында тергеу амалдарын жалғастыруда.