ҚТК мұнайын тасымалдаған танкерге Қара теңізде дрон шабуыл жасалды
Қара теңіздегі Ресей жағалауына жақын маңда Қазақстан мұнайын тасымалдаған танкерге ұшқышсыз ұшу аппараты шабуыл жасалды, деп хабарлайды Politico.kz Reuters агенттігіне сілтемемен.
Агенттіктің мәліметінше, әңгіме Каспий құбыр консорциумы (ҚТК) арқылы экспортталатын мұнайды тасымалдаған Yasa Polaris танкері туралы болып отыр.
Chevron компаниясы оқиға туралы хабардар екенін растады. Компанияның мәліметінше, шабуыл салдарынан экипаж мүшелері зардап шекпеген және Қазақстан мұнайының экспорты қалыпты режимде жалғасып жатыр. Reuters дерегіне сәйкес, Yasa Polaris танкері ҚТК жүйесі арқылы Новороссийск портіне жеткізілген мұнайды тасымалдауға пайдаланылған.
Сондай-ақ агенттік Қазақстандағы Теңіз кен орнын игеретін Tengizchevroil компаниясы CPC Blend маркалы мұнайының ең ірі экспорттаушысы екенін атап өтті.
Reuters мәліметінше, бұған дейін Украина Қара теңіздегі ҚТК мұнай терминалы мен оған қатысты инфрақұрылымға бірнеше рет шабуыл жасаған. Былтырғы шабуылдардың бірінде терминалдағы тиеу қондырғыларының бірі айтарлықтай зақымданған.
Алдын ала мәлімет бойынша, шілде айында ҚТК тәулігіне шамамен 1,6 млн баррель CPC Blend мұнайын экспорттауды жоспарлап отыр. Маусым айында бұл көрсеткіш шамамен 1,7 млн баррельді құраған.
Соңғы жаңалықтар
