"Қуатты": Жамбыл және Алматы облысында жер сілкінді

Қазақстан деректер орталығының жедел мәліметіне сәйкес, 5 қаңтар күні Астана уақытымен сағат 10:15-те Жамбыл мен Алматы облыстарының шекарасында жер сілкінісі тіркелді, деп хабарлайды Politico.kz

Сейсмикалық дүмпудің эпицентрі Отар ауылынан солтүстікке қарай 30 шақырым жерде орналасқан. Қазақстандық мамандардың бағалауынша, жер сілкінісінің магнитудасы 3,7 балды құрады.

Ал Еуропалық–Жерорта теңізі сейсмологиялық орталығы жер сілкінісінің қуатын 4,2 балл деп көрсетті. Олардың дерегінше, эпицентр Қордайдан солтүстік-шығысқа қарай 88 шақырым қашықтықта болған.

Қазіргі уақытта зардап шеккендер мен қираулар туралы ақпарат түскен жоқ