Қызылордада балабақшадан өрт шықты

14 сәуір 2026, 16:14 1146

Қызылордада балабақшадан өрт шықты — Фото: ашық дереккөз

Қызылорда қаласында орналасқан балабақша ғимараттарының бірінде өрт шықты. Оқиға Отырар көшесінде болған, деп хабарлайды Politico.kz.

13 сәуір күні «Ақбілек» атты екі қабатты балабақшаның жертөлесінде өрт тіркелген. Жалпы ауданы 244 шаршы метр болатын ғимараттың шамамен 28 шаршы метр аумағы жанған.

Мамандардың мәліметінше, өрт сағат 12:04 шамасында оқшауланып, араға жеті минут салып толықтай сөндірілген.

Оқиға кезінде балабақшада болған 93 адам, оның ішінде 85 бала өз бетінше эвакуацияланған. Сонымен қатар төтенше жағдайлар қызметі тағы 5 адамды, оның ішінде 3 баланы қауіпсіз жерге шығарып үлгерген.

Абырой болғанда, зардап шеккендер тіркелмеген. Қазіргі уақытта өрттің шығу себептері анықталып жатыр.

Тілсіз жаумен күреске 35 құтқарушы мен 12 техника жұмылдырылған.

Балабақша Балалар Оқиға Өрт

Бізді Google-дың негізгі дереккөздер тізіміне қосыңыз

Қосу

Қызылордада балабақшадан өрт шықты

Қызылорда қаласында орналасқан балабақша ғимараттарының бірінде өрт шықты. Оқиға Отырар көшесінде болған, деп хабарлайды Politico.kz.

Соңғы жаңалықтар