Қызын ұрған танымал актер Шәріп Серік қамалды

Актер Шәріп Серік бес тәулікке қамалды. Мұны актердің бұрынғы сүйіктісі Әлия Бутеева хабарлады, деп хабарлайды POLITICO.KZ.

Әлия Бутееваның сөзінше, 4 сәуірде әкімшілік сот өтіп Шәріп Серік өз кінәсін мойындады. Осылайша ол 5 тәулікке қамауға алынды.

Бұған дейін актер Шәріп Серік блогер Әлия Бутееваны ұрғанын мойындап, халықтан кешірім сұраған еді. Актер бұл жазбасын бірнеше танымал брендтер онымен серіктестікті тоқтатқан соң жариялады. Ол ашық түрде өз әрекетіне өкініп, заң алдында жауап беруге дайын екенін жеткізді.

Мен зорлық-зомбылыққа қарсымын… Мен Әлия Бутееваны лифттен дөрекі түрде шығарып жібердім. Өкінішке қарай, мен мұндай ауыр қателік жасадым және бұл үшін заң алдында жауап беруге дайынмын. Өзімді ақтағым келмейді, – деді Шәріп Серік.