Ресей елшілігі қазақ елін Тәуелсіздік күнімен құттықтады
Ресей Федерациясының елшілігі барша қазақстандықтарды мемлекеттік мереке – Тәуелсіздік күнімен құттықтады. Дипломатиялық өкілдік көршілес елдің ширек ғасырдан астам уақытта жеткен жетістіктерін жоғары бағалап, екіжақты қарым-қатынастың беріктігіне тоқталды, деп хабарлайды Politico.kz.
«Қымбатты достар!
Сіздерді Қазақстан Республикасының мемлекеттік мерекесі – Тәуелсіздік күнімен шын жүректен құттықтаймын.
Бұл айтулы күн ел тарихындағы жаңа дәуірдің басталуын белгіледі.
Өткен жылдар ішінде Қазақстан мемлекеттік құрылыста және әлеуметтік-экономикалық дамуда елеулі табыстарға қол жеткізді.
Бүгінде Қазақстан Республикасы жаһандық және өңірлік қауіпсіздікті қамтамасыз етуге елеулі үлес қосатын ықпалды халықаралық ойыншы болып табылады.
Қазақстанның стратегиялық серіктесі, одақтасы, мейірімді досы және көршісі ретінде Ресей егемендік пен аумақтық тұтастықты өзара құрметтеу, бір-бірінің ішкі істеріне сенім мен араласпау қағидаттарына негізделген мемлекеттеріміз арасындағы дәстүрлі берік қарым-қатынастарды жоғары бағалайды.
Ресей де, Қазақстан да мүшелері болып табылатын БҰҰ мен өзге де халықаралық ұйымдарда біздің елдеріміз халықаралық бейбітшілік пен қауіпсіздікті нығайту жөніндегі күш-жігерді табысты үйлестіруде.
Біздің жан-жақты стратегиялық байланысымыз, серіктестігіміз және интеграциялық байланыстарымыз екі ел халықтарының игілігі үшін табысты дами беретініне сенімдіміз», — деп жазылған құттықтауда.
Сонымен қатар оқыңыз, Мемлекет басшысы қазақстандықтарды Тәуелсіздік күнімен құттықтады.
Соңғы жаңалықтар
