Semafor: АҚШ Крымды ресейлік деп тануға дайын

АҚШ Қырымды Ресейге тиесілі деп тану арқылы бітімге қол жеткізуді көздейді

АҚШ әкімшілігі Қырымды Ресейдің ресми аумағы ретінде тану мүмкіндігін қарастыруда, деп хабарлайды POLITICO.KZ.

Semafor деректеріне сүйенсек, Вашингтон бұл қадамды Украинадағы соғысты тоқтату келіссөздерінің бір бөлігі ретінде қарастыруда. Ақ үй бұл шешім бейбітшілік процесін жеделдетуге септігін тигізеді деп санайды.

Сонымен қатар, бұл мәселені БҰҰ деңгейінде көтеру ұсынылып отыр, осылайша халықаралық қауымдастықтың қолдауына ие болу көзделуде. Алайда, бұл ұсыныс әлі де талқылау кезеңінде тұр.

АҚШ-тың Ұлттық қауіпсіздік кеңесінің өкілі Брайан Хьюз Вашингтонның Украинадағы қақтығысты дипломатиялық жолмен шешуге күш салып жатқанын мәлімдеді.

Қырымның мәртебесі туралы мәселе АҚШ-тың сыртқы саясатындағы маңызды өзгерістердің белгісі болуы мүмкін. Бірақ бұл шешім Украина мен оның одақтастары тарапынан қандай реакция тудыратыны әзірге белгісіз.

#АҚШ #Геополитика #Путин #Ресей #Трамп #Әлем жаңалықтары