Шахтинскідегі жарылыс: Зардап шеккендердің бесеуі — полиция қызметкері

23 наурыз 2026, 10:22 1172

Шахтинскідегі жарылыс: Зардап шеккендердің бесеуі — полиция қызметкері — Фото: Бейнеден кадр

Газ баллонының жарылысына қатысты 40 жастағы күдікті ұсталды.

Шахтинск қаласында тұрмыстық газ баллоны жарылып, арты өртке ұласты, деп хабарлайды Politico.kz.

Құтқарушылар оқиға орнына 4 минут ішінде жетіп, 40 м² аумақтағы жиһаздар мен үйдегі заттардың жанып жатқанын анықтаған. Тілсіз жаудың салдарынан 8 адам түрлі жарақат алса, оның 5-еуі полиция қызметкері болып шықты және олардың барлығы дереу ауруханаға жеткізілді.

Бұл оқиғаға қатысты бөтеннің мүлкін қасақана жою фактісі бойынша қылмыстық іс қозғалып отыр.

«Полиция қызметкерлері 40 жастағы күдіктіні ұстады. Ол Шахтинск қалалық ауруханасының арнайы палатасына жатқызылды және күзетпен бақылауға алынды», - деп хабарлады Қарағанды облысы полиция департаментінің баспасөз қызметі.

Белгілі болғандай күдікті толық емделіп шыққаннан кейін уақытша ұстау изоляторына қамалады. Қазіргі уақытта мамандар жарылыстың нақты себептерін анықтап жатыр.

Шахтинск қаласы Қарағанды облысы Өрт

Бізді Google-дың негізгі дереккөздер тізіміне қосыңыз

Қосу

Шахтинскідегі жарылыс: Зардап шеккендердің бесеуі — полиция қызметкері

Шахтинск қаласында тұрмыстық газ баллоны жарылып, арты өртке ұласты, деп хабарлайды Politico.kz.

Соңғы жаңалықтар