Шамалғанда өзен жағасында әйелді жіппен тұншықтырмақ болған

9 маусым 2026, 17:12 654

Шамалғанда өзен жағасында әйелді жіппен тұншықтырмақ болған — Фото: Pexels

Алматы облысының Шамалған ауылында белгісіз ер адам әйелге шабуыл жасап, оны жіппен тұншықтырмақ болған. Абырой болғанда, әйел қарсылық көрсетіп, қаскөйдің қолынан қашып құтылған, деп хабарлайды Politico.kz.

Оқиға 6 маусым күні кешкі уақытта өзен маңында болған. Туыстарының айтуынша, белгісіз ер адам кенеттен әйелге арт жағынан келіп, мойнына жіп лақтырып, тұншықтыруға әрекет жасаған, әйел қашып құтылған соң, полицияға арыз берген.

Жәбірленушінің жақындарының сөзінше, шабуыл жасаған адамның жеке басы әлі анықталмаған. Дегенмен тергеу органдарының қолында оқиға орнындағы бейнебақылау камераларының жазбалары бар.

Қарасай аудандық әкімдігі аталған дерек бойынша қылмыстық іс қозғалғанын хабарлады. Іс Қазақстан Республикасы Қылмыстық кодексінің 108-1-бабы 2-бөлігінің 5-тармағы бойынша тергеліп жатыр.

Қазір құқық қорғау органдары күдіктінің жеке басын анықтап, оны ұстауға бағытталған жедел-іздестіру және тергеу шараларын жүргізуде.

ер адам Оқиға шамалған өзен

Бізді Google-дың негізгі дереккөздер тізіміне қосыңыз

Қосу

Шамалғанда өзен жағасында әйелді жіппен тұншықтырмақ болған

Соңғы жаңалықтар