Шерзат ісін қарап жатқан судьяға сотталушының адвокаты шағым түсірді

Бүгін Шерзат Болаттың ісі бойынша кезекті сот отырысында сотталушы Абзал Шынасылдың адвокаты судья Ержан Жанұзақовқа қарсы шағым түсірді, деп хабарлайды POLITICO.KZ.

Жоғарғы соттың Telegram-дағы арнасының хабарлауынша, күннің бірінші жартысында сотталушы Абзал Шынасылдың қорғаушысы Ж.Әбенов төрағалық етуші судья Ержан Жанұзақовқа қарсы шағым түсірді.

«Қылмыстық-процестік кодексінің 87-бабының 11-бөлігіне сәйкес істі жалғыз қарайтын судьяға қарсы шағымды сот төрағасы немесе соттың басқа судьясы шешеді. Заңның осы нормасын негізге ала отырып, шағымды сол соттың судьясы А.А.Беймбетов қарайды», - делінген хабарламада.

Жоғарғы соттың баспасөз қызметі өкілдері сот процесінің нақты басталу уақыты туралы қосымша хабарлайтынын мәлімдеді.

Адвокат Судья Шағым Шерзат Бoлат қорғаушы

Шерзат ісін қарап жатқан судьяға сотталушының адвокаты шағым түсірді

Соңғы жаңалықтар