Шымкентте жас қыздың өліміне байланысты күдіктіге іздеу салынды

2026 жылғы 11 қаңтар күні сағат 18:40 шамасында Шымкент қаласының Төлеметов көшесі маңында 21 жастағы қыз пышақ жарақатынан қаза тапты, деп хабарлайды Politico.kz.

Аталған дерек бойынша ҚР Қылмыстық кодексінің 99-бабы 1-бөлігі бойынша қылмыстық іс қозғалып, сотқа дейінгі тергеу басталды.

Полицияның мәліметінше, қылмысқа 1997 жылы туған, Шымкент қаласының тұрғыны Аймахан Шерхан Әлмаханұлы күдікті. Алдын ала деректерге сәйкес, ол оқиға орнынан Hyundai Mufasa маркалы автокөлікпен қашып кеткен және қазіргі уақытта іздеуде.

Құқық қорғау органдары күдіктінің жүрген жері немесе іске қатысты қандай да бір ақпарат білетін азаматтарды полицияға хабарлауға шақырады.

📞 Байланыс нөмірлері: +7 (772) 52-97-66-09
97-67-61
21-21-87
21-20-41

Іздеу кісі өлімі күдікті Полиция