"Сөйлесіп қойғанмын". Шерзат сотында күмәнді диалог естіліп қалды

Шерзат Болат ісіндегі басты айыпталушы Абзал Шынасылдан жауап алынған сот отырысында тікелей эфирге түсіп қалған күмәнді диалог әлеуметтік желілерде қызу талқыланып жатыр, - деп хабарлайды POLITICO.KZ Massaget.kz тілшісіне сілтеме жасап.

Сот отырысы аяқталғаннан кейін сотқа қатысушылар тарай бастаған сәтте эфирде мынадай әңгіме естіледі:

– Көзіме жас келе жаздады, дұрыс сөйледім бе?
– Саған көп сұрақ қоймайды, уайымдама, сөйлесіп қойғанмын.

Диалог кімдердің арасында болғаны белгісіз. Алайда желі қолданушылары бұл әңгіме айыпталушылар мен олардың адвокаттарына қатысы бар деп болжап отыр.