Стендап-комик Нұрлан Сабуровтан Ресейге оралу үшін 100 миллион рубль пара сұралған

Танымал қазақстандық комик Нұрлан Сабуровқа Ресей Федерациясына кіруге қойылған шектеуді алып тастау уәде етіліп, ірі көлемде қаражат талап етілген. Алайда бұл ұсыныс алаяқтық болып шықты — ақшаны бұрынғы күштік құрылым қызметкері мен оның ортадағы делдалы бопсалаған, деп хабарлайды Politico.kz.

Алаяқтар әртістің менеджеріне шығып, 100 миллион рубль орнына елге кіруге қойылған тыйымды жойып беруге уәде берген.

Оқиғаның мән-жайы:

• Қылмыстық топ қазан айының ортасында талап етілген ақшаның алғашқы бөлігін алып үлгерген.
• Кейіннен олардың бұл әрекеті құқық қорғау органдары тарапынан әшкереленді. Қазіргі уақытта бопсалаушылардың үстінен қылмыстық іс қозғалды.

Еске сала кетейік, Нұрлан Сабуровқа миграциялық заңнаманы бұзғаны үшін Ресейге кіруге 50 жыл мерзімге тыйым салынған болатын.

Қазіргі уақытта ол Қазақстанда тұрып жатыр және Азия нарығына шығу бағытында жұмыс істеп жатыр. Жақында оның Дубайда өткен стендап-концерті алғаш рет үнді және араб тілдеріне аударылды.