«Тағы бірнеше сый-сыяпаты бар»: Трамп Тоқаевқа бейсболка сыйлады

АҚШ президенті Мемлекет басшысына сый-сыяпат жолдады, деп хабарлайды Politico.kz.

Бұл туралы Қасым-Жомарт Тоқаевтың баспасөз хатшысы Ркслан Жолдыбай мәлімдеді.

Қазақстанның АҚШ-тағы елшісі Мағжан Ілиясов президент Дональд Трампқа Сенім грамотасын тапсыру рәсімінен кейін екеуі аз-кем әңгімелесті. Америка басшысы биыл қараша айында Қасым-Жомарт Тоқаевпен Ақ үйдегі кездесуден алған әсерімен бөлісті. 

Құрама Штаттар көшбасшысы Қазақстан президентіне жылы лебізін жолдап, оны құрметтейтінін атап өтті. Сондай-ақ Қасым-Жомарт Тоқаевты «халықаралық үдерістерді терең білетін әрі жан-жақты түсінетін тәжірибелі мемлекет қайраткері, керемет адам» деп сипаттады.

АҚШ президенті Мемлекет басшысына сый-сыяпат жолдады. Олардың арасында Ақ үйдің символикалық кілті мен өзінің қолтаңбасы қойылған бейсболка да бар.