Танымал фаст-фуд желісінде қызметкерлер арасында жанжал шықты

Танымал SF фаст-фуд желісіне қарасты дәмханалардың бірінде екі қызметкер жұмыс орнында төбелесіп қалды, деп хабарлайды POLITICO.KZ саяси-әлеуметтік порталы.

Куәгерлердің айтуынша, әріптестер арасындағы кикілжің ұзақ уақыттан бері пісіп-жетілген. Бұл осы танымал фаст-фуд желісінде соңғы айларда орын алған бірінші даулы оқиға емес.

Жанжалдың шарықтау шегінде әйелдердің бірі екіншісіне белгісіз сұйықтық шашпақ болған, алайда ол жалтарып үлгеріп, бірден жауап қайтарған. Естеріңізге сала кетейік, шілде айында дәл осы желінің басқа бір мекемесінде қызметкердің арқасына ыстық май төгілген болатын. Ол кезде мекеме басшылығы ресми мәлімдеме жасаған еді. Алайда, бұл жолғы төбелеске қатысты компания әзірге үнсіз.