"Тәубеңе келтіреді”: Сәкен Майғазиев елді алаңдатып қойды

Белгілі әнші, “МузАРТ” тобының мүшесі, ҚР еңбек сіңірген қайраткері Сәкен Майғазиев қонақүйде лифтте тұрып қалғанын айтып, елді алаңдатып қойды, деп хабарлайды POLITICO.KZ Alash.kz-ке  сілтеме жасап.

Өзге қалаға барып, қонақүйде тұрақтаған әнші жедел сатыда жарты сағаттан астам тұрып, ішкі сезімімен бөлісті:

"Өте керемет қонақүй. Антижарнама жасамай-ақ қояйын. Дәмді тамақ үшін, ашық қабақ үшін, құрақ ұшып қарсы алған үшін ризамын. Бәрі жүгіріп жүр. Алла разы болсын! Бірақ, лифттері кетіп қалған екен. Сондай жағдай болып жатыр. Әп-сәтте қарап отырсаң. Неше түрлі дүниелерді еске түсіреді. Тәубеңе келтіреді. Ең бастысы ауа бар бұл жерде. Бәрі жүгіріп жүр. Естіді. Сигнализацияны бастым. Аман болыңыздар, жақсылықта жолығайық! Ашуланбаңыздар! Шыққан кезде тағы жазам. Бір адамдардың жүгіріп, сені ашып, шығарып алуға тырысып жатқанын көріп отырмын. “Бір уақыттар келеді ғой. Ешкім сені шығарып алуға да тырыспайтын” деп терең тұңғиыққа батып, ойланып тұрған да жағдайым бар. 

“Алтындарым-ау, сол! Қонақүй қызметкерлері барлығы жаны қалмай жүгіріп жүр. “Қазір шығарып аламыз. Ешқайда кетіп қалмаңыз!” деп қояды. Қайда кетемін?”, – деп жазды әнші қалжыңдап. 

Лифтіден шыққан соң хабарын айтамын деген Майғазиевті халық біраз іздеп қалды. Артынша эстрада жұлдызы алаңдаған елге амандығын білдірді:

«Айттым ғой, адам баласы ұмытшақ деп. Лифтіден аман-есен шыққанымды айтам деп, ұмытып кетіппін. Баршаңызға мың алғыс! Алла разы болсын! Ешқашан лифтте қалып қоймаңыздар!», – деді әнші.