"Тектік тамыр бір": Айгүл Иманбаева әкесі бір, шешесі бөлек бауырлар туралы ойын айтты

19 тамыз 2026, 14:02 2302

Танымал әнші Айгүл Иманбаева әлеуметтік желідегі парақшасында оқырмандарының сауалына жауап беріп, аналары бөлек, әкелері бір балалардың өзара қарым-қатынасына қатысты пікір білдірді, деп хабарлайды Politico.kz.

Оқырмандардың бірі екі түрлі анадан туған балалардың бір-бірін толыққанды бауыр ретінде қабылдауы қиын екенін алға тартқан. Өнер иесі бұл пікірге жауап беріп, қандас бауырлардың арасындағы байланыстың берік болуы керектігін жеткізді.

"Сіздің ойыңызбен толықтай келісемін. "Сүйеуі бір, қаны бір" бауырлар үшін аналарының бөлек болуы араға суықтық түсірмеуі тиіс. Өйткені әке бір болғандықтан өріс те, тектік тамыр да бір болып қала береді. Тәрбие мен көзқарастың әртүрлілігі араласуға бөгет емес, керісінше бір-бірін толықтыруға мүмкіндік береді", – деп жазды әнші.

Айгүл Иманбаеваның пайымдауынша, әртүрлі орта мен тәрбиені көргеніне қарамастан, ортақ тамыр бауырлардың жақындасуына еш кедергі болмауы керек.

Айгүл Иманбаева Алтынай Жорабаева Шоу-бизнес Әнші

Бізді Google-дың негізгі дереккөздер тізіміне қосыңыз

Қосу

"Тектік тамыр бір": Айгүл Иманбаева әкесі бір, шешесі бөлек бауырлар туралы ойын айтты

Соңғы жаңалықтар