Түнде әлемде не болды - 14 наурыз

Түнде әлемде бірқатар маңызды оқиғалар орын алды, деп хабарлайды POLITICO.KZ.

Зеленский Путиннің мәлімдемесін «болжамды» деп атап, оның «атысты тоқтату идеясынан іс жүзінде бас тартуға дайындалып жатқанын» мәлімдеді. Бұл туралы ол өзінің Telegram -арнасындағы кешкі үндеуінде хабарлады. Зеленский сонымен қатар Ресейді қақтығысты аяқтауға «мәжбүрлеу» үшін оған қарсы санкциялық қысымды күшейтуге шақырды.

Трамп әкімшілігі Ресейдің мұнай, газ және банк секторларына қосымша шектеулер енгізіп жатқанын CBS телеарнасы хабарлады. Бұл шектеулер Трамп әкімшілігі Ресейді Украинадағы 30 күндік уақытша бітім шарттарын қабылдауға көндіруге талпынып жатқан тұста күшейтілуде.

Дональд Трамп жаңа соғыс бастауға ниетті емес, керісінше, әлемдегі барлық қақтығыстарды тоқтатқысы келеді. Бұл туралы АҚШ Мемлекеттік департаментінің басшысы Марко Рубио Fox news телеарнасына берген сұхбатында мәлімдеді. Оның айтуынша, мәселе тек Украинадағы қақтығыспен шектелмейді, Трамп басқа да қақтығыстарды тоқтатуды көздейді.

Алтын фьючерсінің құны тарихи рекордты жаңартып, бір трой унциясына 3000 долларға жетті. Бұл туралы Comex мәліметтеріне сүйенген ақпаратта айтылған. Ақпан айының соңында сәуірде жеткізілетін алтын фьючерсінің бағасы 2 970 доллардан асып, өз уақытында да тарихи көрсеткішке қол жеткізген еді.