V Дүниежүзілік көшпенділер ойындарының билеттері қанша тұрады?

ОКҚ-да өткен брифингте V Дүниежүзілік көшпенділер ойындарын дайындау және өткізу дирекциясы басшысының орынбасары Абылай Қондыбаев жарысты қалай көруге болатынын айтты.

Наурыз айының соңында Көшпенділер ойындары аясындағы жарыстарға билеттер сатыла бастады. Ересектер үшін құны 1 мыңнан 15 мың теңгеге дейін барды. Билеттердің орташа құны – 3 600 теңге. Оқушыларға, зейнеткерлерге және мүмкіндігі шектеулі жандарға жеңілдіктер қарастырылған. Бұл жеңілдіктер тек ойындарға қарастырылған. Екі күн бұрын ашылу салтанатына билеттер сатылып кетті, - деді ол.

Еске сала кетсек, V Дүниежүзілік көшпенділер ойындары 8-13 қыркүйек аралығында өтеді. Оған 89 мемлекет қатысады. Қазақстан құрамасы сапында 261 спортшы өнер көрсетеді. Ойындардың жалпы жүлде қоры – 250 миллион теңге.

#билет #Дүниежүзілік көшпенділер ойындары #спортшы #құрама