Вейп пен энергетикалық сусынның кесірінен 16 жастағы жасөспірім қайтыс болды

21 сәуір 2026, 08:51 2352

Вейп пен энергетикалық сусынның кесірінен 16 жастағы жасөспірім қайтыс болды — Фото: видеодан скриншот

Әлеуметтік желіде 16 жастағы жасөспірімнен онкологиялық ауру анықталғаны туралы ақпарат тарады. Жақындарының айтуынша, ол үнемі энергетикалық сусындар ішіп, вейп қолданған, деп хабарлайды Politico.kz.

Оның жақындары уақыт жоғалтпай, тезірек емдету үшін Үндістанға алып кеткенмен, жасөспірім қайтыс болған. Бұл туралы Threds желісінде әпкесі Перизат Болатқызы жазды.

Құрметті қазақ елі. Інімнің денесін елге тездетіп алып келуге көмектесіңіздерші. Елшіліктен көмек қажет. Қатерлі ісік дертінен ем аламын деп, Индияға кеткен болатын. Жүрегінің тромбы үзіліп, бүгін қайтыс болды, деп жазды ол.

Мамандар энергетикалық сусындар мен никотин өнімдерін шамадан тыс қолдану ағзаға ауыр салмақ түсіретінін айтады. Әсіресе жас ағза үшін мұндай әдеттер аса қауіпті.