Жетісу облысында жол апатынан 6 адам көз жұмды

Жетісу облысында жантүршігерлік жол апатынан 6 адам көз жұмды, деп хабарлайды Politico.kz.

Жол апаты «Сарыөзек – Көктал» автожолының 110-шақырымында болған.

Екі Chevrolet Cobalt автокөлігі соқтығысқан.

Алдын ала мәлімет бойынша, автокөліктердің бірінің жүргізушісі қарсы қозғалыс жолағына шығып, қарсы бағытта келе жатқан автокөлікпен соқтығысқан.

Жол-көлік оқиғасы салдарынан алты адам оқиға орнында көз жұмып, тағы бір адам әртүрлі дене жарақаттарымен медициналық мекемеге жеткізілді.

Аталған дерек бойынша қылмыстық іс қозғалды. Қазіргі уақытта оқиғаның барлық мән-жайын анықтауға бағытталған сотқа дейінгі тергеу жүргізілуде.

Полиция қаза болғандардың туыстары мен жақындарына көңіл айтады.