Жезқазғанда былтыр ғана төселген асфальт бір жылға жетпей бүлінді

5 шілде 2026, 16:21 1114

Жезқазғанда былтыр ғана төселген асфальт бір жылға жетпей бүлінді — Видеодан кадр

Жезқазған қаласындағы Бауыржан Момышұлы көшесіне былтыр ғана төселген жаңа асфальттың қазіргі жағдайы тұрғындардың наразылығын тудырды, деп хабарлайды Politico.kz.

Әлеуметтік желіде тараған бейнежазбада жолдың ортасы сөгіліп, асфальттың шұңқырланып, жарамсыз күйге түскені анық көрінеді.

Тұрғындардың айтуынша, қомақты бюджет қаржысына салынған жолдың бір жылға да жетпей бүлінуі құрылыс жұмыстарының сапасына қатысты күмән туғызады. Олар жауапты мердігерлер мен тиісті мекемелердің жұмысына тексеріс жүргізіп, кінәлілер жауапқа тартылуы тиіс екенін айтуда.

Қала тұрғындары жергілікті билікті мәселені назардан тыс қалдырмай, жолдың не себепті қысқа уақытта жарамсыз болып қалғанын анықтап, тиісті шара қабылдауға шақырды.

Әзірге аталған жағдайға қатысты жергілікті әкімдік тарапынан ресми түсініктеме жарияланған жоқ.

Маңғыстауда Бекет атаға бара жатқанда жоғалған үш адам аман-есен табылды

Атырауда қала әкімінің міндетін атқарушы 100 млн теңге парамен ұсталды деген ақпарат тарады

асфальт Жезқазған жол бүлінуі Шағым әкімшілік

Бізді Google-дың негізгі дереккөздер тізіміне қосыңыз

Қосу