«Жүкті кезімде ұрып-соқты»: Қайрат Сатыбалдының экс әйелі бар шындықты жайып салды

Қазақстанның тұңғыш президенті Нұрсұлтан Назарбаевтың жиені Қайрат Сатыбалдының бұрынғы әйелі Base.kz арнасына сұхбат беріп, басынан өткен сұмдық жайттарды жайып салды, деп хабарлайды Politico.kz.

Асылжан Есенқызы сұхбатында өзін Қайрат Сатыбалдының тоқалы емес, азаматтық некедегі әйелі болғанын айтты.

«Мен оған ақшасы мен байлығы үшін тұрмысқа шыққан жоқпын. Біздің отбасымыз туралы Назарбаевтың өзі де білетін», - деді ол.

Сондай-ақ ол экс күйеуі Қайрат Сатыбалдының өзін қалай қорлағанын да айтып берді. Айтуынша, жүкті кезінде-ақ олардың арақатынасы бұзыла бастаған. Қайрат Сатыбалды әйеліне психологиялық қысым көрсетіп қана қоймай, оған бірнеше рет қол көтерген.