Журналист Дәулет Ізтілеуов қайтыс болды

Журналист Дәулет Ізтілеуов қайтыс болды, деп хабарлайды Politico.kz.

Бұл туралы соңғы жылдары Ізтілеуов еңбек еткен «Қазинформ» агенттігі хабарлады.

 Журналист ұзаққа созылған сырқаттың салдарынан дүниеден өтті. Ол 41 жаста еді.

«Біз Дәулет Амангелдіұлы Ізтілеуов денсаулығын түзеп, жақын арада қайта ортамызға оралады деп үміттендік. Алайда ол үмітіміз ақталмады. Біз оны кәсіби, жауапкершілігі жоғары, адамгершілігі мол, өз ұстанымына адал журналист ретінде білдік. Ол әрдайым көңілді, өмірсүйгіш, айналасына бейжай қарамайтын жан еді», – деп жазды агенттік өкілдері.

Агенттік ұжымы Дәулет Ізтілеуовтің жарқын бейнесі әріптестерінің жадында мәңгі сақталатынын атап өтті.