Жуынатын бөлмеде басы жарылған: 30 жастағы танымал әнші көз жұмды

21 тамыз 2026, 16:06 1851

Жуынатын бөлмеде басы жарылған: 30 жастағы танымал әнші көз жұмды — Фото: ЖИ көмегімен жасалды

Филиппинде Sugarpop тобының 30 жастағы әншісі Ванесса Бланка жуынатын бөлмеде сүрініп құлап, алған ауыр жарақатынан көз жұмды, деп хабарлайды Politico.kz.

Марқұмның немере әпкесінің айтуынша, қайғылы оқиға Манила қаласындағы пәтерлердің бірінде орын алған. Өнер иесі жуынатын бөлмеде киініп жатып, аяғы сүрініп басымен құлаған.

"Ванесса басынан ауыр жарақат алып, соның салдарынан миына қан құйылды", – деп жазды Айви.

Оқыс оқиғадан кейін бірден жедел жәрдем шақырылған, алайда көлік 15 минут бойы келмеген соң, әншінің жақындары оны ауруханаға өздері жеткізуге мәжбүр болған.

Бланканы мүгедектер арбасымен жақын маңдағы медициналық мекемеге апарғанымен, дәрігерлердің жансақтау шаралары нәтиже бермей, оның өмірін аман алып қалу мүмкін болмады.

Кісі өлімі филиппин Шоу-бизнес Әнші

Бізді Google-дың негізгі дереккөздер тізіміне қосыңыз

Қосу

Жуынатын бөлмеде басы жарылған: 30 жастағы танымал әнші көз жұмды

Филиппинде Sugarpop тобының 30 жастағы әншісі Ванесса Бланка жуынатын бөлмеде сүрініп құлап, алған ауыр жарақатынан көз жұмды, деп хабарлайды Politico.kz.

Соңғы жаңалықтар