«Мен елімді қорғаудамын»: этникалық қазақ Украинаға қарсы соғысып жүр

Украинада Ресей үшін соғысып жүрген этникалық қазақ Жайық Темірбаев ресейлік БАҚ өкіліне онда өзінің не істеп жүргенін түсіндірді. Бұл туралы Selnivi.ru хабарлады.

Менің ұлтым – қазақ. Бірақ Башқұртстанда туып-өстім. Менен не үшін фронтқа бардың дегенде, «Бұл – менің елім, мен оны қорғаудамын» деп жауап беремін. Әр адам Отанның қорғаушысы бола алады, әсіресе, Отан елеулі сыртқы қауіптерге тап болған кезде. «Патриотизм» деген жақсы сөз бар. Сонымен, ол нақты қадамдар мен іс-әрекеттер арқылы көрінуі керек деп санаймын, – дейді Жайық Темірбаев.

Сондай-ақ этникалық қазақ соғысқа өз еркімен аттанғанын атап өтті.

Ішінара жұмылдыру жарияланған кезде мен майданға баруым керек деген ойға келдім. Атам соғысты, ағаларым, туысқандарым Ауғанстандағы, Шешенстандағы, Сириядағы қарулы қақтығастарға қатысқан. Мен де өзімді сынап көруді шештім. Әскери комиссариатқа барып, шақыру қағазын сұрай бастадым. Бірақ ол кезде жіберу тоқтатылған. Тек 2024 жылдың ақпан айында мен әскери қызметке келісімшартқа отырдым. Наурыз айынан бастап Отан мүддесін қорғау бойынша тапсырмаларды орындап жүрмін. Мен өз шешіміме өкінбеймін. Біздің бөлімшелер жауды өз позицияларынан шығарады, оның жаңа шекараларда орнығуына жол бермейді, – деді Жайық Темірбаев.