«Ұнамаған адамын атып тастайды». Шерзаттың әкесі Хасан туралы

Талғарда кісі қолынан қаза тапқан 16 жастағы Шерзат Болаттың әкесі Қаржаубай Нұрымов «Хутор» бандасының басшысы Хасан туралы білетінімен бөлісті.

Хасан дегенді жеке танымаймын. Бірақ бандиттерге жетекшілік етеді, Талғарға қарайды дегенді естимін. Ұнамаған адамын атып тастайтын көрінеді. Әкімшілікте ағасы да бар дейді. Сосын Талғардағы дүкен, мейрамханалар «отметка» береді екен, - дейді Қаржаубай Нұрымов «Жас Алаш» арнасына берген сұхбатында.

Марқұмның әкесі жыл сайын «Хутордың балалары» адам өлтіретінін айтады.