Ақтау-Мұнайлы тасжолында апаттан 3 адам тірілей жанып кетті

Ақтау-Мұнайлы тасжолында болған жол апатынан 3 адам қаза тапты.

ТЖМ мәліметінше, оқиға 8 қыркүйекте болған.

Сағат 15:35-те 112 кезекшінің пультіне ЖКО туралы хабарлама түсті. Тасжолда Mitsubishi Montero жеңіл автокөлігі мен КамАЗ бетпе-бет соқтығысқан. Жол апаты салдарынан екі көлік те толығымен өртеніп кеткен. Маңғыстау облысының ТЖД қызметкерлері 16:19-да өртті сөндірді, – деп хабарлады ведомстводан.

Оқиға орнына 7 адам және 2 арнайы техника шыққан.

Mitsubishi көлігіндегі өртті сөндіргеннен кейін 3 адамның күйген денесі табылды. Екінші көлікте қаза тапқандар немесе зардап шеккендердің бар-жоғы туралы әлі хабарланған жоқ.