2026 жылы Депутаттарды күтіп-ұстауға бюджеттен қанша теңге бөлінеді?

2026 жылы Қазақстан Парламентін күтіп-ұстауға бюджеттен 7,8 миллиард теңге бөлу жоспарланып отыр. Бұл туралы Қаржы вице-министрі Абзал Бейсенбекұлы мәлімдеді, деп хабарлайды POLITICO.KZ.

Вице-министрдің айтуынша, бұл қаражат депутаттардың қызметін қамтамасыз етуге, сондай-ақ Мәжіліс пен Сенаттың саяси және әкімшілік мемлекеттік қызметкерлерінің жалақысына жұмсалады.

Сондай-ақ, бұл сомаға депутаттардың көмекшілерінің еңбекақысы, көлік шығындары және басқа да ілеспе шығыстар кіреді.

«Қазір Мәжілісте 98, Сенатта 50 депутат бар. Жалпы – 148 депутат. Олардың көмекшілері бар. Сонымен қатар, көлік және тағы басқа ілеспе шығыстар бар. Парламенттің қызметіне 2026 жылға шамамен 7,8 млрд теңге қарастырылған», – деп түсіндірді Абзал Бейсенбекұлы.

Бейне: ORDA