2025 жылы қандай жылжымайтын мүлік сатып алған тиімді

Сарапшылардың мәліметінше, 2025 жылы Қазақстандағы жылжымайтын мүлік нарығында оң өзгерістер күтілуде, деп хабарлайды POLITICO.KZ.

Құрылыс материалдарының қымбаттауы мен инфляцияның өсуіне қарамастан, жаңа ипотекалық бағдарламалар мен мемлекеттік қолдаулар тұрғын үй нарығын тұрақтандырады деп болжануда.

Алматы мен Астана қалаларында заманауи тұрғын үй кешендерінің саны артып, инфрақұрылымдық жобалар көбейеді. Бұл аймақтар инвесторлар мен тұрғындарға тартымды бола түседі. Сарапшылардың айтуынша, әсіресе қала маңындағы аудандарда тұрғын үйлерге сұраныс жоғары болады. Бұл аймақтарда бағаның өсуі жалғасуы мүмкін.

2025 жылы жылжымайтын мүліктің тұрақты табыс көзі ретіндегі маңыздылығы арта түседі. Қалалардағы жалға берілетін пәтерлердің сұранысы жоғары деңгейде қалады. Сонымен қатар, ауылдық жерлерде тұрғын үй алу мүмкіндігі жаңа бағдарламалардың арқасында қолжетімді бола бастайды.

Жылжымайтын мүлікке инвестиция салуды жоспарлағандар үшін 2025 жыл тиімді уақыт болуы мүмкін. Сарапшылардың айтуынша, доллар бағамының ауытқуы нарыққа әсер етуін жалғастырғанымен, ұзақ мерзімді перспективада тұрғын үйге сұраныс тұрақты түрде өседі.

Ақпарат CMN.KZ сайтынан алынған.