Дастан Сәтбаевқа қатысты «Бернли» бапкері жағымсыз хабар жеткізді
Англияның «Бернли» клубының бас бапкері Фабио Челестини қазақстандық футболшы Дастан Сәтбаевтың жарақатынан кейінгі жағдайына қатысты пікір білдірді, деп хабарлайды Politico.kz.
Мамандардың болжамынша, жас шабуылшы қараша айындағы ұлттық құрамалар ойындарына арналған үзілістен кейін де команда сапына бірден қосылмауы мүмкін.
Бапкердің айтуынша, Сәтбаевтың алаңға оралу мерзімі әзірге белгісіз. Футболшының артқы сан бұлшықетіне қатысты мәселелері бар. Қазіргі уақытта оның жағдайын «Бернли» клубының медициналық штабы бақылап отыр. Ойыншының қалпына келу барысы «Челсимен» бірлесіп қадағалануда. Себебі футболшының трансферлік құқығы лондондық клубқа тиесілі.
«Көру керек. Сәтбаевқа келсек, нақты айта алмаймын. Меніңше, ол тағы біраз уақыт алаңға шықпайды. Қарашадағы үзілістен кейін көптеген ойыншымыз қатарға қосылады деп ойламаймын», – деді Фабио Челестини.
Бапкер командадағы өзге футболшылардың да жарақатына байланысты жағдай оңай болмайтынын жеткізді. Атап айтқанда, Хамфристің жағдайы қосымша тексеріліп, оның да бірнеше апта бойы алаңға шықпауы мүмкін екені айтылды.
Айта кетейік, Дастан Сәтбаев биыл «Челси» клубымен келісімшартқа отырған болатын. Қазақстандық шабуылшы Англиядағы футбол жүйесіне бейімделу кезеңінен өтіп жатыр. Оның «Бернли» сапындағы ойын тәжірибесі жас футболшының кәсіби мансабындағы маңызды кезеңдердің бірі болмақ.
Соңғы жаңалықтар
