9-сынып оқушысы туған анасын өлтіріп, мәйітін чемоданға салып тастаған

13 қараша 2026, 15:55 228

9-сынып оқушысы туған анасын өлтіріп, мәйітін чемоданға салып тастаған — Фото: ЖИ көмегімен жасалды

Санкт-Петербургте 15 жастағы жасөспірім туған анасын өлтірді деген күдікке ілінді. Қараша айының басында із-түзсіз жоғалып кеткен 38 жастағы әйелдің денесі Юкков жылғасы бойындағы экосоқпақтан, чемоданның ішінен табылған, деп хабарлайды Politico.kz.

БАҚ мәліметінше, анасы ұлына темекі шегетіні үшін жиі ескерту жасап, соның салдарынан отбасында ұрыс-керіс туындап отырған. Кезекті жанжал кезінде 9-сынып оқушысы анасына тап беріп, тұншықтырып өлтірген. Кейін мәйітті чемоданға жасырып, ағаштардың арасына апарып тастаған.

Әйел жоғалғаннан кейін туыстары оған қоңырау шалып хабарласпақ болған. Алайда қылмысын жасырмақ болған жасөспірім анасының телефонынан жалтарған жауаптар жазып отырған.

Қазіргі уақытта күдікті жасөспірім ұсталып, Ресей Федерациясы Қылмыстық кодексінің 105-бабы («Адам өлтіру») бойынша қылмыстық іс қозғалды.

Жасөспірім Кісі өлімі Ресей Қылмыс

Бізді Google-дың негізгі дереккөздер тізіміне қосыңыз

Қосу

9-сынып оқушысы туған анасын өлтіріп, мәйітін чемоданға салып тастаған

Соңғы жаңалықтар