Артында үш баласы қалды: Теміртауда із-түзсіз жоғалған әйелдің мәйіті табылды

13 қараша 2026, 16:16 144

Артында үш баласы қалды: Теміртауда із-түзсіз жоғалған әйелдің мәйіті табылды — Фото: ЖИ көмегімен жасалған

Қарағанды облысында бірнеше күннен бері іздестіріліп жатқан 38 жастағы әйелдің мәйіті табылды. Оны өлтірді деген күдікпен 40 жастағы ер адам ұсталды, деп хабарлайды Politico.kz.

Қарағанды облыстық полиция департаментінің мәліметінше, 13 қарашада жүргізілген жедел-іздестіру шараларының нәтижесінде Теміртау қаласынан 22 шақырым жерден жоғалған әйелдің денесі анықталған.

Мәйітті қарау кезінде зорлық-зомбылық белгілері байқалған.

Полиция қызметкерлері қылмысқа қатысы бар деген күдікпен 40 жастағы ер адамды анықтап, ұстады. Қазір ол уақытша ұстау изоляторына қамалған.

Аталған факті бойынша адам өлтіру дерегімен қылмыстық іс қозғалды. Қазіргі уақытта оқиғаның барлық мән-жайын анықтауға бағытталған тергеу амалдары жүргізіліп жатыр.

Тергеу барысы Қарағанды облысы полиция департаменті басшылығының жеке бақылауында.

Әйелдің жоғалғаны туралы ресми арыз полицияда тек 2 қазанда тіркелді. Марқұмның артында үш баласы қалды.

Кісі өлімі Полиция департаменті Теміртау Қарағанды облысы

Бізді Google-дың негізгі дереккөздер тізіміне қосыңыз

Қосу

Артында үш баласы қалды: Теміртауда із-түзсіз жоғалған әйелдің мәйіті табылды

Соңғы жаңалықтар