Абай облысында бес күн далада қалған малшы қар жеп аман қалды

Аяғы сынған малшы бес күн бойы далада тірі қалған

Абай облысында жоғалып кеткен малшы бес күн бойы далада тіршілік етіп, аман табылды, деп хабарлайды Politico.kz.

Төтенше жағдайлар қызметіне ер адамның жоғалғаны туралы хабарлама түскен. 1969 жылы туған азамат 17 наурыз күні Абай ауданындағы шаруа қожалығынан жылқымен мал іздеуге шығып, қайта оралмаған. Оның ұялы телефоны өшірулі болған.

Іздестіру жұмыстарына құтқарушылар арнайы техникамен, полиция қызметкерлері және туыстары жұмылдырылды.

Бүгін таңертең іздеу тобы ер адамды далада тауып алды. Ол медициналық көмек көрсету үшін Ақшоқы ауылына жеткізілді. Белгілі болғандай, бес күн бұрын малшының астындағы жылқысы сүрініп, оны басып кеткен. Салдарынан ер адам аяғын сындырып алған. Одан кейін жылқы қашып кеткен. Осы уақыт ішінде ол қар жеп, жан сақтаған.

Абырой болғанда, күн райының салыстырмалы түрде жылы болуының арқасында ер адам үсіп қалмаған.

Шалқарда қаза тапқан 17 жастағы жасөспірім жер қойнына тапсырылды

Дональд Трамп Иранға 48 сағат уақыт берді: Ормуз бұғазы ашылмаса не болады?

Абай облысы адам жоғалу малшы ТЖМ

Абай облысында бес күн далада қалған малшы қар жеп аман қалды

Абай облысында жоғалып кеткен малшы бес күн бойы далада тіршілік етіп, аман табылды, деп хабарлайды Politico.kz.

Соңғы жаңалықтар