Әкімдік студенттерден жерді тартып алмақ болған

Павлодар облысының прокуратурасы студенттер тәжірибелік сабақтарын өткізетін алқаптарды әкімдіктің тартып алу туралы шешімін заңсыз деп таныды, деп хабарлайды POLITICO.KZ.

Щербактин ауданының аграрлық-техникалық колледжіне 2014 жылы 418 гектар жер тұрақты пайдалану үшін берілген болатын. Бұл жерлер студенттерге ауыл шаруашылығы саласында тәжірибелік білім алу үшін қолданылып келді.

Алайда 2024 жылы аудандық әкімдік осы жерді жергілікті ауыл шаруашылығы өндірушілеріне беруді ұйғарды. Колледжге 10 шақырым қашықтықтағы басқа жерді пайдалануды ұсынды.

"Бұл шешім студенттер үшін көптеген қолайсыздықтар тудырар еді. Прокуратураның араласуымен акиматтың бұл әрекеті заңсыз деп танылып, жер колледжге қайтарылды", – деп мәлімдеді облыстық прокуратура.

Осылайша, аграрлық колледждің студенттері жергілікті жерде тәжірибе алуды жалғастырады.