Алматыда 85 жастағы әже университетке оқуға түсті

Алматыда 85 жастағы әже Нұр-Мүбәрак университетіне оқуға түсті, деп хабарлайды POLITICO.KZ 31 арнаның Информбюро ақпараттық бағдарламасына сілтеме жасап.

Кейуана Исламтану мамандығын таңдапты. Университет басшылығы Нұрихан әжеге бір жыл шартты түрде ақылы бөлімде білім алуға рұқсат берді. Ал қария қаңтар айында тағы бір мәрте ҰБТ тапсырады. Егер сынақтан ойдағыдай өтсе, төрт жылдық толыққанды білімге жол ашылады. 

Айта кетейік, Нұрихан әже бұған дейін Ұлттық бірыңғай тестілеуге қатысқанымен, компьютерді меңгеру дағдысы жеткіліксіз болғандықтан өте алмаған еді. Соған қарамастан білімге деген құштарлығы жастарға үлгі болды.