Алматыда полицей көшеде гүл сатып тұрған әжейдің гүлдерін тартып алды

Алматыда полицей гүл сатып тұрған әжейдің гүлдерін тартып алды, деп хабарлайды POLITICO.KZ

Алматы қаласында полиция қызметкері көшеде гүл сатып тұрған әжейдің гүлдерін тартып алды. Бұл оқиғаны әжейге жақтасқан ер адам видеоға түсіріп алған.

Видеодан оқиғаға куә болған азаматтың әжейге араша түсіп, полиция қызметкеріне сұрақтар қойғанын көруге болады. Алайда, тәртіп сақшысы оның сұрақтарына ешқандай жауап бермей, үнсіз қалады.

Өз кезегінде, гүл сатып тұрған әжей сауда жасауға рұқсаты бар екенін айтып, полицейдің әрекетіне наразылығын білдірген.