Ақмола облысында көлік қағып кеткен төрт жасар қыз көз жұмды

Ақмола облысының Целиноград ауданына қарасты Нұресіл ауылында жол-көлік оқиғасы салдарынан кішкентай бала көз жұмды, деп хабарлайды Politico.kz.

Полиция департаментінің мәліметінше, жол апаты 15 қыркүйекте болған. «Газель» автокөлігінің жүргізушісі баланы қағып кеткен. Алған жарақаттарынан төрт жасар қыз бала оқиға орнында көз жұмды.

Көлік жүргізушісі ұсталып, уақытша ұстау изоляторына қамалды. Аталған жол-көлік оқиғасы бойынша тергеу жүргізіліп жатыр.

Желіде тараған ақпарат бойынша, бала әкесінің жанында тұрған. Сол сәтте олардың жанынан «Газель» көлігі өтіп бара жатқан.

Белгісіз себеппен 4 жастағы қыз көліктің астына түсіп, алған жарақатынан оқиға орнында көз жұмды.