АҚШ-та жүрген қазақстандықтарға елшілік маңызды үндеу жасады

Қазақстанның АҚШ-тағы елшілігі Америка билігінің миграциялық саясатты күшейтуіне назар аударды, деп хабарлайды POLITICO.KZ.

Елшілік таратқан мәліметке сәйкес, қабылданып жатқан шаралар АҚШ аумағына заңсыз келген шетел азаматтары мен мигранттарға қатысты.

«Қабылданған мәжбүрлеу шараларының қатарында қамауға алу, елден шығару және АҚШ-қа қайта кіруді шектеу секілді санкциялар қарастырылған. Сондай-ақ, әлеуметтік жәрдемақылар, жұмысқа рұқсат беретін құжаттар және басқа да жеңілдіктер алынып тасталады», – делінген хабарламада.

Сонымен қатар, АҚШ билігі елде заңды түрде болуға негіздері жоқ шетел азаматтарына елден ерікті түрде шығу мүмкіндігін ұсынатынын атап өтті.