Ақтөбеде әскери қызметші қайтыс болды

Ақтөбедегі әскери бөлімдердің бірінде мерзімді әскери қызметші қаза тапты. Бұл туралы Ақтөбе гарнизонының баспасөз қызметі хабарлады. «Ағымдағы жылдың 23 қарашасында Ақтөбе гарнизоны әскери бөлімдерінің бірінде мерзімді қызметтегі әскери қызметші күзет қызметін атқару кезінде бекітілген қарудан оқ атып, өзіне қол жұмсады», – делінген хабарламада. Оқиғаның себептері мен мән-жайы анықталып жатыр. Бұл факті бойынша қылмыстық іс қозғалды, басқа ақпарат тергеу мүддесіне сай жария етілмейді.