Ақтөбеде жер телімдері заңсыз сатылып жатыр?

«Байтақ» партиясы төрағасының орынбасары Ақтөбеде жердің заңсыз сатылып жатқанын мәлімдеді, деп хабарлайды POLITICO.KZ

«Байтақ» партиясы төрағасының сайлауалды штабының жұмысын үйлестіру жөніндегі орынбасары Ерәділ Үббиниязов әлеуметтік желіде бейнежазба жариялап, Ақтөбедегі жердің заңсыз сатылымына қатысты дабыл қақты.

Ол жариялаған видеода жол бойындағы ағаштар өсіп тұрған жер телімінің сатылымға қойылғаны көрсетілген. Бейнежазбадағы ер адам жерде орнатылған тақтайшадағы нөмірге қоңырау шалып, жердің сатылатынын растайды.

Ерәділ Үббиниязов өз жазбасында Ақтөбедегі жасыл желектердің заңсыз жойылып, жердің сатылып жатқанын айтып, бұл әрекеттерді тоқтатуды талап етті.

View this post on Instagram

A post shared by YERADIL UBBINIYAZOV (@yeradil.ubbiniyazov)

Айта кетейік, бұған дейін де Ерәділ Үббиниязов жергілікті биліктің жұмысын сынап, түрлі мәселелер бойынша Президент Қасым-Жомат Тоқаевқа видеоүндеу жолдаған болатын.

Ақтөбе қаласы Ерәділ Үббиниязов