Ақтөбедегі алапат жол апаты 5 адамның өмірін қиды

Самара-Шымкент тасжолының Әлия ауылы маңында жүк көлігі және жеңіл машина соқтығысты. Оқиға орнында 4, ауруханада 1 адам көз жұмды. Көз жұмғандардың екеуі – бала. Ақтөбе облыстық ПД баспасөз қызметінің хабарлауынша, қазір сотқа дейінгі тергеп-тексеру басталған.

26 тамызда 18:45 шамасында Самара-Шымкент тасжолының Қобда ауданы Әлия ауылы маңында Mersedes жүк көлігі мен Volkswagen Polo көлігі соқтығысты. Жеңіл көліктегі 4 жолаушы оқиға орнында көз жұмды. Жүргізуші мен бала медициналық мекемеге жеткізілді. Қазір Қылмыстық кодекстің 345-бабы 4-бөлігі бойынша іс қозғалды, - делінген хабарламада.

Полиция департаменті жол қозғалысының барлық қатысушысын жол қозғалысы ережелерін қатаң сақтауға шақырады.

#Апат #аурухана #Ақтөбе #бала #жүргізуші