Арман Дүйсеновтің ұлының өлімінде күмәнді тұстары өте көп — заңгер

Белгілі заңгер Мейірман Шекеев композитор Арман Дүйсеновтің жары Айсұлу Айданқызына құқықтық қолдау көрсететінін мәлімдеді, деп хабарлайды POLITICO.KZ.

Бұл туралы ол әлеуметтік желідегі парақшасында хабарлады.

Заңгердің айтуынша, Айсұлумен сөйлескеннен кейін істің бірқатар күмәнді тұстары анықталған.

«Алдымен жолдасы Арманның, артынша баласы Абылайдың қазасы, енді міне соттың отбасы мүшелерін үйден шығару туралы шешімі… Маған ұсынылған құжаттарды зерделей отырып, бұл істің күмәнді жақтары өте көп екенін аңғардым. Бір отбасыға мұндай ауыртпалықтың қатарынан түсуі – өте ауыр жағдай. Осындай кезде кеше жанында болған жақындар алыстап, адам жалғыз қалып қоятын кездер болады. Дегенмен, Айсұлу ханымды қарапайым халық жалғыз қалдырмайық», – деді Шекеев.

Арман Дүйсенов заңгер суицид қаза