Асқарбек Ертаев Еңбек және халықты әлеуметтік қорғау министрі болды

Асқарбек Ертаев Еңбек және халықты әлеуметтік қорғау министрлігін басқарады, деп хабарлайды Politico.kz порталы.

Светлана Жақыпова бұған дейін президенттің жарлығымен қызметінен босатылған болатын.

Асқарбек Ертаев Ақтөбенің тумасы.

Ол Мұғалжар аудандық әкімдігінде, 10 жылдан астам банк саласында жұмыс істеді, содан кейін Ұлттық экономика министрлігінде басшылық қызметтер атқарды.

Әр жылдары Президент әкімшілігі жанындағы Қауіпсіздік кеңесінде қызмет етті, Премьер-Министр кеңсесінің және Үкімет аппаратының экономикалық бөлімін басқарды, сондай-ақ Көші-қон комитетін басқарды.

2024 жылдан бастап Еңбек вице-министрі, ал 2025 жылдың маусымынан бастап бірінші вице-министр қызметін атқарды.