Астанада ерекше қажеттілігі бар 11 жастағы бала өгей әкесінің қорлығын айтып берген
Астанада еріктілер ерекше қажеттілігі бар 11 жастағы бала мен оның анасына қатысты ұзақ уақыт бойы жасалған психологиялық қысым туралы оқиғаны жария етті, деп хабарлайды Politico.kz.
Бала волонтерлерге отбасының құпиясын айтып берген. Оның сөзінше, үйдегі негізгі агрессор — өгей әкесі. Ер адам баланың физикалық әлсіздігін пайдаланып, оған тұрақты түрде психологиялық қысым көрсеткен. Сонымен қатар анасына да жиі моральдық қорлық көрсетіп келген.
Қоғам белсенділерінің айтуынша, әйел адам эмоционалдық әрі әлеуметтік тұрғыдан қиын жағдайда болғандықтан, ұзақ уақыт бойы қарсы тұра алмаған.
Жағдай бала еріктілермен ашық сөйлескеннен кейін ғана өзгере бастаған. Волонтерлер бірден әрекет етіп, отбасыға құқықтық көмек көрсету жұмыстарын бастаған.
Құқық қорғаушылардың мәліметінше, қазір полицияға ресми арыз түсірілген.
Енді еріктілер мен Астана тұрғындары бұл істі бақылауға алып, отбасының қауіпсіздігін қамтамасыз етіп, үйдегі зорлық көрсеткен адамның заң аясында жауапқа тартылуын талап етпек.
Соңғы жаңалықтар
