Атырауда күйеуі әйелін пышақтап өлтірді

Атырауда қайғы оқиға болды, деп хабарлайды Politico.kz.

16 наурызда шамамен сағат 03:30-да полицияға тұрмыстық жанжал салдарынан 58 жастағы әйелдің қаза тапқаны туралы хабарлама түскен.

Облыстық полицияның мәліметінше, оны 62 жастағы күйеуі өлтірген.

Аталған факті бойынша «Адам өлтіру» бабы бойынша қылмыстық іс қозғалып, сотқа дейінгі тергеу басталды. Күдікті ұсталып, полиция бөліміне жеткізілді.

Тергеу жалғасуда, оқиғаның барлық мән-жайы анықталып жатыр.

Атырау облысы Отбасылық жанжал пышақтады қанды қылмыс