Атыраудағы іс: Судья Ақбаянға қатысты қылмыстық істегі күмәнді жайтқа назар аударды

Атырауда Мұқанғалиевтер отбасының өліміне қатысты сот процесі барысында судья Зарема Хамидуллина Ақбаян Мұқанғалиеваға қатысты қозғалған жеке қылмыстық іске назар аударған болатын, деп хабарлайды Politico.kz.

"Ақжайық" басылымының жазуынша, сот отырысында судья қылмыстық іс материалдарын, соның ішінде Ақбаян Мұқанғалиеваға қатысты материалдарды жеке өндіріске бөлу туралы қаулыны жариялады.

Осы кезде судья мемлекеттік айыптаушыдан Ақбаян Мұқанғалиеваға Қылмыстық кодекстің 434-бабы («Қылмыс туралы хабарламау») бойынша не себепті іс қозғалғанын сұрады. Себебі іс материалдарына сәйкес, ол психикалық ауруына байланысты ем қабылдап жүрген.

"Ол қылмыс туралы хабарламағаны үшін қалай жауап бере алады?" – деді судья прокурорға.

Кейін Ақбаян Мұқанғалиеваға қатысты қылмыстық іс қылмыстық құқық бұзушылық құрамының болмауына байланысты тоқтатылды.

Қазіргі уақытта Ақбаян Мұқанғалиева ем қабылдауын жалғастырып жатыр.

Атырау Жоғалған отбасы Сот ісі Судья

Атыраудағы іс: Судья Ақбаянға қатысты қылмыстық істегі күмәнді жайтқа назар аударды

Соңғы жаңалықтар