Атыраудағы қайғылы оқиғадан кейін 5 баланың тағдыры белгілі болды

Атырауда болған атышулы қылмыстан кейін ата-анасыз қалған бес баланың қазіргі жағдайы туралы мәлімет жарияланды, деп хабарлайды Politico.kz.

Қалалық білім бөлімінің дерегіне сәйкес, балалар арнайы әлеуметтік мекемелерге орналастырылған. Қазір олардың жағдайы тұрақты, барлық қажетті медициналық және психологиялық көмек көрсетіліп жатыр.

Мамандардың айтуынша, отбасының үлкен үш баласы бейімдеу орталығында тәрбиеленуде. Ал 1 және 3 жастағы екі кішкентай бүлдіршін балалар үйіне орналастырылған.

Балалардың денсаулығы қалыпты, сабақ үлгерімі де жақсы деңгейде. Олар түрлі мәдени іс-шараларға қатысып, қатарластарымен араласып, белсенді өмір сүруде.

«Балалардың жағдайы жақсы. Атасы мен әжесі үнемі барып тұрады. Үлкендері сабаққа қатысып, шараларға белсенді араласады. Жақында өткен мерекелік кеште ән айтып, би билеп, көтеріңкі көңіл-күйде болды», – дейді мамандар.

Қазіргі таңда балалардың ата-әжесі демалыс күндері барып, олармен кездесіп, қолдау көрсетіп келеді. Айта кетейік, балалар әлеуметтік желілерді қолданбайды, сондықтан олар болған қайғылы оқиға туралы толық хабардар емес.

Күдікті Сұлтан Сәрсемалиев екі айға қамауға алынды

Атыраудағы қанды оқиға: Сұлтан Сәрсемалиевке қатысты айыптар көбейуі мүмкін

Атырау облысы балалар отбасы Полиция сұлтан сәрсемалиев

Атыраудағы қайғылы оқиғадан кейін 5 баланың тағдыры белгілі болды

Атырауда болған атышулы қылмыстан кейін ата-анасыз қалған бес баланың қазіргі жағдайы туралы мәлімет жарияланды, деп хабарлайды Politico.kz.

Соңғы жаңалықтар