Ауыл тұрғындары фабрика құрылысын тоқтатуды сұрайды

Шығыс Қазақстан облысындағы Құлынжон және Бастаушы ауылдарының тұрғындары өздерінің денсаулығына және табиғаттың бұзылуына қатер төндіріп, олардың аумағында алтын өндіру фабрикасын салуға қарсы екенін білдірді, деп хабарлайды POLITICO.KZ.

Жергілікті халық «Каскад-Н» жауапкершілігі шектеулі серіктестігінің құрылысқа қажетті экологиялық рұқсатты алмағанына қарамастан, жұмысқа кіріскенін мәлімдеді.

Тұрғындардың айтуынша, фабрика салынған жағдайда, бұл жергілікті экологиялық жағдайды күрт нашарлатып, адамның денсаулығына және табиғи ресурстарға үлкен қауіп төндіреді. Халық бұл жобаның жүзеге асуына қатты алаңдайды, себебі олар табиғи апаттарға әкеп соғуы мүмкін деген қауіп бар.